ஞாயிறு, 19 ஜூலை, 2015

சாலியர் வரலாறு 8

சமீபத்தில் சுமார் 400ஆண்டுகளுக்கு முற்பட்ட செப்புப்பட்டயம் ஒன்று கல்லுப்பட்டி அருகில் உள்ள மேலத்திருமாணிக்கம் என்ற ஊரில் கிடைத்துள்ளது.மேற்படி பட்டயம் மதுரை அருங்காட்சியகத்தில் வைக்கப்பட்டுள்ளது.           

இது குறித்த தினமணி பத்திரிகை செய்தி .-
மதுரை மாவட்டம், பேரையூர் அருகே உள்ள மேலத் திருமாணிக்கம் கிராமத்தில் 16ஆம் நூற்றாண்டைச் சேர்ந்த செப்புப் பட்டயத்தில், சாலியர் குலத்தவரின் வழிபாடு குறித்த தகவல்கள் இருப்பது தெரிய வந்துள்ளது.

மேலத்திருமாணிக்கத்தைச் சேர்ந்த ராமநாதன் என்பவர் தனது மூதாதையரால் பாதுகாத்து வரப்பட்ட இந்த செப்புப் பட்டயத்தை, மதுரை அரசு அருங்காட்சியகக் காப்பாட்சியரிடம் கொடுத்து, அதிலுள்ள விவரங்களைக் கூறுமாறு கேட்டுள்ளார்.

அந்த செப்புப் பட்டயம், 16ஆம் நூற்றாண்டைச் சேர்ந்தது என்றும், பேரையூர் அருகே உள்ள அழகியநல்லூரில் சாலியர் குலத்தைச் சேர்ந்தவர்களின் குல தெய்வமான அரிய மாணிக்கவல்லி கோவில் வழிபாடு குறித்து செப்பேடு குறிப்பிடுகிறது என்று அரசு அருங்காட்சியகக் காப்பாட்சியர் அ. பெரியசாமி கூறினார்.

இதுகுறித்து அவர் மேலும் கூறியது:

இந்த கோவில், சதுரகிரி மலையின் வடபுறம் உள்ள ஆற்றங்கரையில் சேரர்களின் கோவிலான திருமாணிக்க சுந்தரேசுவரர் கோவிலுக்கு வடபுறம் உள்ளதாகச் செப்பேடு குறிப்பிடுகிறது.

அரிய மாணிக்கவல்லி கோவில் நிர்வாகியான சைவ குலத்தைச் சேர்ந்த பஞ்சாட்சர தேசிகருக்கு, இப் பட்டயம் எழுதி அளிக்கப்பட்டுள்ளது. இப் பட்டயத்தை மதுரை சொக்கலிங்க பட்டர் மகன் முத்துக்குமாரசாமி பட்டர் எழுதியுள்ளார்.

சாலியர் இன மக்களின் முன்கதை இப் பட்டயத்தில் சொல்லப்பட்டுள்ளது. பல்லவ நாட்டின் தலைநகரான காஞ்சிபுரத்தில் வசித்த சாலியர்கள், அங்கு ராஜவம்சத்தினருடன் ஏற்பட்ட பிரச்னை காரணமாக அங்கிருந்து குடிபெயர்ந்த சிலர் பாண்டிய நாடான மதுரையில் குடியேறியதாகவும், அவர்களுக்கு பாண்டிய மன்னன் ஆதரவளித்து, மதுரை மாவட்டத்தில் உள்ள அழகியநல்லூரில் குடியிருக்க அனுமதி அளித்ததாகவும் செப்பேட்டில் எழுதப்பட்டுள்ளது.

ஸ்ரீவில்லிபுத்தூர், புத்தூர், ராஜபாளையம், சுந்தரபாண்டியம், சத்திரப்பட்டி, அருப்புக்கோட்டை, சக்கம்பட்டி ஆகிய ஊர்களைச் சேர்ந்த சாலிய இனத்தவர்கள் 44 பேர் அரிய மாணிக்கவல்லி தாயாரின் வழிபாடு முறை குறித்து முடிவு செய்து கையொப்பமிட்டிருப்பதை செப்புப் பட்டயம் தெரிவிக்கிறது.

சாலியர்களின் குல தெய்வமான அரிய மாணிக்கவல்லிக்கு தினசரி பூஜைகள், ஆண்டு திருவிழா, சிவனிசைக் கட்டளை, ஆனி மாதக் கட்டளை ஆகியவற்றுக்கு குடும்பத்துக்கு ஆண்டுக்கு 2 கலிப்பணம், அம்மனுக்கு பூஜை செய்ய குடும்பத்துக்கு தலா ஒரு கலிப்பணமும் வழங்க வேண்டும்.

மேலும், மேற்குறிப்பிட்ட 7 ஊர்களைச் சுற்றியுள்ள கிராமம் ஒன்றுக்கு 15 பொன் வசூலித்து ஸ்ரீவில்லிபுத்தூர் ஆண்டாளுக்கு கொடிப் பரிவட்டம், திருமணப் பட்டு, சதுரகிரி சிவலிங்கத்துக்கு நவராத்திரி கட்டளை செய்ய வேண்டும் என்பதையும் பட்டயம் குறிப்பிடுகிறது.

திருவண்ணாமலை, சிதம்பரம், கழுகுமலை, மதுரையைச் சேர்ந்த நான்கு மடாதிபதிகள் இந்தக் கட்டளைகளை நடத்தித் தர ஏற்பாடு செய்யப்பட்டதாகவும் பட்டயத்தில் தெரிவிக்கப்பட்டுள்ளது. சாலியர் இன மக்களுக்கு எழுதப்பட்ட இந்த செப்பேடு தமிழக வரலாற்றுக்குப் பல புதிய செய்திகளைத் தந்துள்ளது என்றார்

சனி, 20 ஜூன், 2015

சாலியர் சத்திரம்

சாலியர்கள் பல் ஊர்களில் சத்திரம் வைத்திருக்கிறார்கள் .அவற்றின் சில தொலைபேசி எண்கள் ------
மதுரை --0452 2340218
திருப்பரங்குன்றம் ---0452 2485100
பழனி ---04545 244753
திருச்செந்தூர் --04639 246930
சென்னை --044 24803127
     மக்கள் பயனுக்காக .

புதன், 3 ஜூன், 2015

சாலியர் வரலாறு 12

திருவள்ளூர் வீரராகவ பெருமாள் கோவில் ஸ்தல புராணத்தில் சாலி கோத்திர மஹரிஷியை பற்றி கூறப்பட்டுள்ளது .கீழே கண்ட படத்தில் பெருமாளின் கரத்தின் கீழே இருப்பவர்தான் "சாலி கோத்திர மஹரிஷி"

திங்கள், 1 ஜூன், 2015

சாலியர் வரலாறு 11

சாலியர் -குறிப்புகள்
         மஹாபாரதத்தில் பாண்டவர்கள் சாலிய மஹரிஷியின் ஆசிரமத்தில் தங்கிச் சென்றதாக சொல்லப்பட்டுள்ளது .
           உயர்ந்த வகை நெல்லை குறிக்க "சாலி நெல் " என்ற வார்த்தை  பெரும்பாணாற்றுப்படையில் கூறப்படுகிறது .
             ஆசிய ஜோதியில்,புத்தர் வரும் சம்பவத்தை குறிப்பிடும்போது "ஊடுபாவோட்டும் சாலியனும் பாவோட்டாமல் இடைவிட்டு ஓடி வந்தான்" என்று கூறப்பட்டுள்ளது .

ஞாயிறு, 31 மே, 2015

சாலியர் வரலாறு 10

சாலிய மஹரிஷி »

சாலியர்களின் குல முதல்வர் சாலிய மஹரிஷி ஆவார் .இவர் விசாக மஹரிஷியிடம் சிஷ்யராக இருந்ததாகவும் ,பின்னர் சாலிய மஹரிஷி என்று அழைக்கப்பட்டதாகவும் தஞ்சை மாவட்டம் நல்லாடை தலபுராணம் கூறுகிறது .சாலிய மஹரிஷிக்கு இரண்டு மனைவியர் என்றும் ,முதல் மனைவி வழி வந்தவர்கள் ,சாலியர் என்றும் ;இரண்டாம் மனைவி வழி வந்தவர்கள் மொட்டை சாலியர் என்றும் அழைக்க ப்படுவார்கள் .
பத்ம சாலியர்கள் தங்கள் குல தெய்வமாக மார்கண்டேய மஹரிஷியை கூறுகின்றனர் .

சாலியர் வரலாறு 9

தமிழக சாலியர்களின் பூர்வீக வரலாறு :»
தமிழக சாலியர்களின் பூர்வீகம் குஜராத் மாநிலம் சௌராஷ்டிரம் ஆகும் .அன்னிய படையெடுப்பால் துன்புற்று தெற்கு நோக்கி நகர்ந்தனர் .வரும் வழியில் ஆந்திரா ,கர்நாடகா ,கேரளா போன்ற இடங்களில் அந்தந்த பகுதி மொழி பேசி வாழ்ந்துவருகின்றனர் .இவர்கள் தற்போது பத்மசாலியர் மற்றும் சாலியர் என்ற பெயரோடு வாழ்கின்றனர் .தமிழக பகுதிக்கு வந்த சாலியர்கள் சுமார் ,1640ம் வருஷம் சுமார் 400 குடும்பங்கள் குடியேறி தறி நெசவு செய்தார்கள் .எனவே அவ்விடம் "சின்னத் தறிப்பேட்டை" என்ற பெயரில் அழைக்கப்பட்டது .பின்னர் நாளடைவில் மருவி சிந்தாதிரிபேட்டை என தற்போது அழைக்கப்படுகிறது .ஆதாரம் »சென்னை மாநகராட்சி ஆவணங்கள் ...அதன்படி சென்னையின் பூர்வீக குடிமக்கள் சாலியரே ஆகும்.பூர்வீக மொழி சௌராஷ்டிரம் .